Verkefnið er rekið af Alþýðufræðsluráðinu (se. Folkbildningsrådet) í samstarfi við átta lýðskóla. Verkefnið býður upp á viðbótarnám í tungumálum í umhverfi sem er aðlagað að ungu fólki. Markmiðið er að veita þátttakendum þekkingu, sjálfstraust og von um bjarta framtíð, með stuðningi umsjónarmanna sem hlúa að lífsaðstæðum þátttakenda.
Lýðskólinn Skurup och Fridhem í Malmö býður upp á einstaklingsmiðað nám, sem hefur þegar sýnt jákvæðan árangur, með stuðning einkakennara og leið aftur til menntunar.
– Þegar þau byrja hjá okkur eru þau frekar óákveðin og bera ekki mikið traust til neins skólakerfis. Meðal þeirra eru mörg sem eiga við geðheilbrigðis- og félagsleg vandamál að stríða, segir Angela, kennari við skólann.
Nokkrir þátttakendur hafa náð umtalsverðum framförum, eins og ungur maður sem er nú að læra áfram eftir að hafa fengið stuðning frá verkefninu. Áður hafði hann afar takmarkaðan áhuga, nú situr hann fremst í kennslustofunni.
– Áður þorði ég ekki að lesa hátt fyrir framan bekkinn. Ég varð stressaður. En nú líður mér eins og ég sé á heimavelli, segir hann.