Þingsályktunartillaga norsku ríkisstjórnarinnar „Yfirlit yfir hæfniþarfir í Noregi“, eða betur þekkt sem „Utsynsmeldingen“, var kynnt í lok mars á þessu ári og þar er lýst aðgerðum sem gripið verður til meðal annars til að samræma betur námsframboð og þarfir atvinnu- og samfélagslífs. Forsaga þessa er að allar spár sýna að fólki á vinnualdri í Noregi mun hlutfallslega fækka þar sem eldri íbúum fjölgar sífellt og færri teljast í ungmennaárgöngum. Mörg fyrirtæki eiga í erfiðleikum með að ráða nauðsynlegt vinnuafli.
Ola Borten Moe, ráðherra rannsókna og háskóla, segir að forgangsraða þurfi menntun sem er eftirsótt bæði frá nemendum og atvinnulífinu og sem veitir hæfni sem er nauðsynleg fyrir Noreg.
Ríkisstjórnin vill forgangsraða þeirri hæfni sem þarf til afkastamikils og samkeppnishæfs atvinnulífs, til grænna umskipta, til að tryggja góða velferðarþjónustu um allan Noreg auk þess að efla hæfni og virkja fleiri sem standa utan atvinnulífsins. Þær aðgerðir sem lagðar eru til voru settar fram á grundvelli skýrslna hæfnisþarfanefndar sem og skýrslu sem mælingarnefnd skilaði í október á síðasta ári.
Umfang fræðslunnar verður samkvæmt nauðsynlegum þörfum atvinnulífsins. Gert er ráð fyrir að háskólar og framhaldsskólar setji upplýsingatækni, heilbrigðismál og menntun í forgang sem nauðsynleg eru fyrir græn umskipti, að verkmenntunarskólar setji tæknigreinar, heilsu- og aðrar námsgreinar sem nauðsynlegar eru fyrir græn umskipti í forgang og að háskólamenntun meti þörf á að leggja frekari áherslu þarfir samfélagsins fyrir hæfni.
